Ortalyq meshitte 2019 jylǵy 20-29 tamyz aralyǵynda Almaty qalasy Qoǵamdyq damý basqarmasynyń qoldaýymen «Úsh baılyq» qoǵamdyq birlestigi «Eltanym» jobasynyń aıasynda ımamdardyń biliktiligin joǵarlatýǵa baǵyttalǵan oqytý semınarlaryn ótkizdi.
Semınardyń maqsaty: qazaqtyń salt-dástúrin bilýi boıynsha ımamdar men din qyzmetkerleriniń bilimin joǵarylatý, ulttyq salt-dástúrdi jáne uly tulǵalardyń din jaıyndaǵy eńbekterin halyq arasynda nasıhattaý arqyly ulttyq qundylyqtardy dáripteý.
«Eltanym» jobasy 2018 jyldan bastap Almaty qalasynda júzege asyrylýda jáne ımamdar arasynda úlken qyzyǵýshylyq týdyrýda. Semınarlardyń qorytyndysy boıynsha ımamdardyń alǵan bilimderin baǵalaýǵa baǵyttalǵan konkýrs ótkiziletin bolady. Konkýrstyń jalpy júlde qory 1 mln. teńgeni quraıdy.
Imamdardyń biliktiligin joǵarylatýǵa baǵyttalǵan 4 kúndik oqytý semınarynyń alǵashqy kúni «Nur-Múbarak» Egıpet ıslam mádenıeti ýnıversıtetiniń Jalpygýmanıtarlyq pánder kafedrasynyń dosenti, tarıh ǵylymdarynyń kandıdaty Hatran Dosymbek dáris ótkizdi. Semınar 2019 jylǵy 20-shy tamyz kúni saǵat 10.00 de Almaty qalasynyń Ortalyq meshitinde ótti. Kelesi semınarlardy myna din salasyndaǵy belgili ǵalymdar ótkizdi.
- L.N. Gýmılev atyndaǵy Eýrazıa ulttyq ýnıversıtetiniń dintaný kafedrasynyń meńgerýshisi, dintanýshy Keńshilik Tyshhanulynyń semınary 2019 jylǵy 22 tamyz saǵat 10.00 da Almaty qalasynyń Ortalyq meshitinde ótti;
- «Nur-Múbarak» Egıpet ıslam mádenıeti ýnıversıtetiniń Jalpygýmanıtarlyq pánder kafedrasynyń dosenti, tarıh ǵylymdarynyń kandıdaty Hatran Dosymbektiń semınary 2019 jylǵy 27 tamyz saǵat 10.00 de Almaty qalasynyń Ortalyq meshitinde ótti;
- «Nur-Múbarak» Egıpet ıslam mádenıeti ýnıversıtetiniń profesory, fılologıa ǵylymdarynyń doktory, dintanýshy Kerim Shamshádın Tursynulynyń semınary 2019 jylǵy 29 tamyz saǵat 10:00 de «Nur-Múbarak» Egıpet ıslam mádenıeti ýnıversıtetinde ótti.

ПІКІР АЛМАСУ

Пікір қалдырыңыз